फूलदेई
फूलदेई – फूलदेई ऐगे फूल संगरांद
सुफल करो नयो साल श्री भगवान
उल्यारी झुल्यारी मुलक चळा गेैल्यों फुलुक
रंगीळे फांगुण जैगे नाचदु मैनु चैत ऐगे
नया साल की बार चैदिसांे छ उळर
ग्वीराल साकिनु मालुक चल गैल्यों फुलुक
सर क्यार बिटा कण्डुल्यों लीक हिटा
रमकैक झमैक बसंत गीत गैक
लगडी तुसरी चूलक चल गैल्यों फूलुक
कण्डोल्यों भरि फूल ल्योळ डेली डेल्यों सजळे
जसिळ होन दिन बार भर्यां रौन भण्डार
आरू बुरांस फ्योंलिक चळ गैल्यों फुलुक
आव अठवाड मनौळ आटु कु गुड चैंल ल्योंळ
खिचडी प्रसाद कु स्वाद रलु वर्ष भर याद
लैंया पैंया बेलुक चल गल्यों फुलुक
