हंसदु उळद देखि माया कु संसार देखि
गैल्या तेरि आंख्यों मां मैन सच्चू मायादार देखि
प्रेम प्रीति प्यार देखि बारमासि फुळर देखि
गैल्या तेरि आंख्यों मां मैन सच्चू मायादार देखि
तितर कि पांखि
मन सोचदु तेरा बारा त्वैखोजदी आंखि
मांळु फूले ग्वीराल साकिनु फुलि लयेडि सारी
जब तैं सजणी रालि धरती रली माया हमारी
ळम ळय ळेडि
बिधात भि फंटे न सकु यनि बणौण जोडि
बाझ मौले तिमलु पंया मौलि कुळै डाली
जब तैं आणि रलि मौल्यार रलि माया हमारी
हाथुडि गौंच्छ्याली
हिय बसैक रखलु सदा मुखडि रौत्याली
घुघति घूरे कफुआ बासे खुदेलि जिकुडि
छप छपि पडि जांदि मन देखि तेरी मुखडि
कोदा कि बतीर
बळ मन तेरू छापु छपेगी जन्मु कि खातिर
सर्ग कडके मेघ बर्खे ळैंकि कुरेडि धारू
जब तैं रलि धरति मां य नौ रलु हमारू
