मुखड़ि फूल सि खिलिगे होलि
जिकुड़ि म स्येळि पड़िगे होलि
मै खारू ह्वैग्यों माटम् मिलग्यों त क्य
तु मुकुट सि मुंड म सजिगे होली
प्रीत हारि, हारिगे त क्य
तेरि ठाठ बाट कि स्याणी जितिगे होलि
मै खाली मंगतेर ह्वैग्यौं त क्या
तु राजौं कि राणी ह्वैग्ये होलि
मेरि माया मैंदि सि धुयाली त क्य
तेरा मन परैं छापु छोड़िगे होलि
खिलि अर सुखिक झड़िगे त क्य
मेरि माया तेरू मन रंगैगे होलि
मायादरू न सदानि खैरि खायिन त क्य
लास परैं फ्योंलि खिलिगे होलि
